Aruba Bank a anuncia su di 15 edicion di Walk & Run 4 siman pasa, cual ta e caminata mas grandi di nos isla. Y e dia di registra pa participa na e grandioso evento aki ta cerca! Dialuna awor dia 6 di Mei pa exactamente 9:00 di mainta registracion ta habri pa 2500 participante.
Pa facilita e parti di registracion, esaki ta sosode completamente online via e App di Walk & Run of via e website di Aruba Bank. Si bo no tin e App di Walk & Run ainda, bo por download esaki via bo App store y pa exactamente 9or di dialuna mainta bo por klik riba e boton di registracion y bo por yena tur bo datos. Tambe bo por yega na e pagina di registracion via e website di Aruba Bank.
Una bes cu bo registra bo ta haya un confirmacion via e-mail y cu e number di registracion cu bo lo ricibi bo por haci bo pago via Aruba Bank App of Aruba Bank Online pa clientenan di Aruba Bank. Of por a haci uzo di credit card pa paga di biaha ariba e pagina di registracion. Tambe nos lo tin POS machine disponibel na IBISA Frankrijkstraat y San Nicolas pa haci pago.
‘Participacion na e Walk and Run 2019 ta AWG 20, esaki ta inclui un drifit shirt, reusable bag, reusable water bottle y BIB’, Roxanne Croes, Marketing Officer di Aruba Bank ta informa. Paketenan por wordo busca solamente na IBISA, una bes cu e participante a haci e pago cu su number di registracion. Partimento di shirts ta a base di ‘first come first serve’. Gruponan cu ta inscribi por busca nan pakete desde 8 y 9 di Mei. Set bo reminder den bo telefon, pa dialuna 6 di Mei 9:00 di mainta pa registracion di Aruba Bank Walk and Run 2019!
