Rond di 10:00 PM ELMAR su funcionario encarga, Jonathan van der Linden, a atende prensa pafo di nan oficina principal na Playa pa duna un up date riba e situacion di coriente.
Di loke por a scucha, ELMAR den e situacion aki no tin nada di haber cu e problema. E problema ta sinta na WEB. El a splica cu e problema a cuminsa pa 4:45 ora cu alarma a cuminsa zona den e sistema di transmision di coriente. Esaki tabata momento cu WEB a haya problema cu un feeder y a kita e coriente cu ta suministra na ELMAR.
Mesora ehecutivonan di ELMAR a tuma contacto cu nan coleganan na WEB, unda a haya informacion cu tin problema cu un generator di gasolin. Inmediatamente WEB a lanta un otro generator [a
A comunica cu WEB kende a bisa tin problema cu un generator, gasturbina. Siguiente WEB a logra lanta un otro generator pa cuminsa manda coriente riba feeder bek pa ELMAR.
Pero ELMAR mester a keda warda riba nan coleganan di WEB pa duna aprobacion pa sigui duna coriente na otro barionan cu no a bay on ainda e momento ey.
Mirando e momento, ELMAR a dicidi di haci un cambio pa manda coriente pa e area comercial y kita coriente for di area residencial.
A lant UN OTRO GENERATOR PA DUNA CORIENTE NA UN PARTI BEK.
Na momento di e conferencia ainda tabatin algun bario sin coriente, manera algun parti pariba di brug y tambe na Primavera, Papaya, Nuñe y Dakota.
Asina cu WEB bisa cu tin capacidad lo duna coriente inmediatamente na e clientenan di ELMAR. E demanda pico tabata mas o menos 130 megawatt y e momento ey tabata falta mas o menos 12 pa 13 megawatt.
ELMAR ta mantene un plan pa no laga un bario mas cu tres ora sin coriente pa cual ta kita y pone pa otro. Pero bisa cu siguransa cuanto tempo falta pa e situacion stabilisa, e no por a bisa. Pero asina cu haya e ok, nan ta simplemente primi un boto y tur hende ta cuminsa haya coriente.
WEB mes no a suministra informacion concreto. Echo ta cu WEB tin un planta for di servicio y a informa cu esaki lo keda asina te cu luna di september.
Pa 10:50 pm ELMAR a anuncia cu henter Aruba tin coriente back menos Barcadera, Sabana Grandi door di accidente unda a kibra un pal’i luz.
