E fase di grupo di Mundial di Rusia 2018 a caba! Inglatera y Belgica a cera grupo H den un encuentro caminda cu Red Devils a surpasa e Tres Leonnan danki na un gol solitario di Adnan Januzaj, un resultado cu ta bal pa ta e promenan di e grupo.
Hopi a specula riba e encuentro aki, ya cu ambos a yega e cita empata den tur cos, den punto, golnan fabor y golnan en contra, pero Inglatera tabata lider di e grupo door di tin un carchi geel menos. E dudanan? E prome lo a bay pa e parti duro di e cuadro, e di dos, pa esun di mas debil.
Cu e escenario aki e partido aki a cuminsa y a nota cu den e ocasion aki, e prome puesto no tabata hopi apeticibel, vooral pa Inglatera, cu curiosamente a haci su pio partido den loke nos por a mira den e Mundial.
Adnan Januzaj a hinca un gol na comienso di e di dos parti pa pone Belgica p’adilanti; un tanto cu lo nifica e victoria y e liderato di e Red Devils, cu a planta nan mes den e octavonan di final cu puntuacion prefecto y wardando riba Hapon.
Di su parti, e Tres Leonnan lo disputa su partido di octavonan di final ante Colombia, pa despues, si nan l ogra sigui bibo, midi den cuadronan di final, e ganado di Suecia – Suisa, un caminda cu lo ta, a priori, den porta pa e semifinalnan.
Foto: FIFA©
