Merca a vence Hulanda 2-0 diadomingo pa gana su di cuater titulo di Copa di Mundo femenino.
Un penalty di e delantero Megan Rapinoe, despues di un revision den video, a pone u e campeonnan a delanta den minuut 61. Ocho minuut despues, e mediocampista Rose Lavelle, a evadi un defensora Hulandes na rand di e area pa seya e resultado cu un solo tiro.
E di seis gol di Rapinoe a pone pareu cu su compañera Alex Morgan y e Ingles Ellen Whit como e maximo anotadornan di e torneo.
Rapinoe, kende a recupera di un lesion na su pia drechi pa hunga den e encuentro, a wordo dispidi cu un ovacion pa e fanaticonan Mericano ora cu el a sali for di veld den minuut 79.
