A tuma 90 minuut di wega, mas 30 minuut adicional di tempo extra, sigui pa tiramento di pinalti pa por a dicidi ken ta e miho ekipo di futbol na mundo. Argentina a resulta e vencedo!
Tabata e dos “superstar” nan pa cuminsa e tiramento di pinalti di ambos banda y ambos a score un gol. Francia a cuminsa prome y Kylian Mbappé a blaas e bala riba Emiliano Martínez y a logra bay ariba cu e prome pinalti. E di dos tabata e otro legendario, Lionel Messi, cu trankilamente a score y asina empata e tiramento di pinalti.
Pero despues di esey, Francia a benta dos pinalti afo, dunando Argentina un bentaha riba nan den gol. Y tabata ora cu Gonzalo Montiel a logra hinca e di cuater gol consecutivo pa Argentina, cu e wega a caba!
De facto, e 120 minuutnan di wega a laga e score na 3-3, despues di un bon wega final di futbol. E superstar di Francia, esta Kylian Mbappé a score tur tres gol pa su pais. E legendario Lionel Messi a score dos gol den e wega mes y asina a logra alcansa su soño di Copa Mundial di Futbol.
