Den e di tres kwartaal di 2023, producto y servicio di consumo na Boneiro tabata 1,9 % mas caro cu un aña anterior. Den e di dos kwartaal inflacion tabata 4,6 porciento. Na Sint Eustatius prijs a baha cu 1,1 porciento riba base anual den e di tres kwartaal. Den e di dos kwartaal prijs a subi cu 3,3 porciento. Na Saba inflacion tabata 2,8 porciento den e di tres kwartaal. E kwartaal anterior esaki tabata 5,2 porciento. CBS ta indica esaki a base di e indice di prijs pa consumido na Caribe Hulandes.
prijs na Boneiro a aumenta cu 1,0 porciento compara cu e kwartaal anterior
compara cu e di dos kwartaal di 2023, prijs na Boneiro a subi den e di tres kwartaal cu 1,0 porciento. E subida aki principalmente ta causa pa transporte; e prijs di pasashi di avion a subi den di tres kwartaal cu 15,0 porciento compara cu e kwartaal anterior. Ademas, prijs di paña y sapato a subi cu 2,8 porciento. prijs di cuminda a subi cu 1,0 porciento den e ultimo kwartaal compara cu e kwartaal anterior.
Durante e kwartaal aki e subida ta wanta, compara cu e kwartaal anterior, door di gasto di electricidad, cu a baha cu 14,2 porciento debi na un bahada di e tarifa variabel di electricidad for di prome di juli.
prijs na Sint Eustatius ta 1,6 porciento mas abou compara cu e kwartaal anterior
prijs pa consumido na Sint Eustatius a baha den e di tres kwartaal di 2023 cu 1,6 porciento compara cu e kwartaal anterior. E bahada e kwartaal aki principalmente ta causa pa un bahada di prijs di electricidad. Mescos cu na Boneiro, aki tambe e tarifa variabel di electricidad a baha for di prome di juli. Transporte tambe a bira mas barata, e prijs di pasashi di avion a baha cu 3,9 porciento. Gasolin a bira 7,6 porciento mas barata i diesel a baha cu 20,0 porciento compara cu e kwartaal anterior.
E prijs pa paña y sapato a conoce un subida, e productonan aki a subi e kwartaal aki cu 9.4 porciento.
prijs na Saba 0,8 porciento mas halto cu e kwartaal anterior
Na Saba, productonan di consumo tabata un promedio di 0,8 porciento mas caro den di tres kwartaal di 2023 compara cu e kwartaal anterior. prijs di paña y sapato a subi cu 6,5 porciento y pasashi di avion tabata 7,3 porciento mas caro. producto pa mantencion di cas a baha na prijs cu 6,0 porciento compara cu e kwartaal anterior. Ademas, prijs di electricidad a baha cu 8,0 porciento door cu den e caso aki tambe tabatin un bahada den e tarifa variabel.
Cifra provisional
E cifranan durante e di tres kwartaal di 2023 ta provisional y lo finalisa esakinan na momento cu publica e cifranan di e di cuater kwartaal di 2023.
Fuentenan:
StatLine – Caribe Hulandes
https://opendata.cbs.nl/CBS/nl/dataset/84046NED/table?dl=BFA9
