Tabatin hopi pregunta ki ta pasando cu e incinerator di pais Aruba cu no tabata den funcion, aparentemente. Den un conferencia di prensa diahuebs a haya e informacion oficial kico a pasa cu e mashin aki, cu ta situa na e dump di Parkietenbos.
Kirby Barrera, Beleidsmedewerker di DOW, den e conferencia di prensa a duna algo detaye. Asina por ehempel a menciona cu durante un dia normal tabata kima riba 12 ton pa dia. Esaki dado momento a trece complicacion, pa procesa un cantidad asina grandi. A dicidi di baha e cantidad aki na ocho ton pa dia.
Barrera ta bisa cu e limite ta mas o menos 1 ton pa ora, y tin dia tabata bay di 10 of 14 ora ta kima debi na e demanda grandi. Awor cu bini cu un incenirator nobo, y experencia a mustra nan cu lo no bay procesa sushi na cantidad grandi. Awor ta hayando riba 15 ton pa dia na desperdicio pa kima. Tin un machine so, pero si por haya un haya uno adicional, lo balansa volumen riba tur dos e machine.
