Dianan 26 , 27 y 28 di November 2021 pa 7:00 pm.
Gloria na Dios, nos ta sirbi un bon Dios y esey tambe ta nifica cu nos kier sirbi abo como e pueblo di Dios, nos kier invita bo pa bo ta hunto cu nos diabierna 26, diasabra 27 y diadomingo 28 di november 2021 pa 7 pm na Iglesia Pentecostal di Aruba cual ta situa dilanti di Macro na San Nicolas den e edificio di Ibero High School Auditorium.
Nos tin 3 anochi pa predica e Palabra di Dios y Brinda e ayudo spiritual y conseho necesario na e pueblo cu tin hopi necesidad di dje, especialmente den e tempo cu nos ta pasando den dje.
Nos no por para keto ora nos ta mira e necesidad spiritual, cuanto e enemigo ta ataca Famia, matrimonio, y especialmente nos Hubentud.
Pesey dunando tur Gloria na Dios nos kier invita abo y henter bo famia , pa uni hunto cu nos , pa asina nos drenta den presencia di Dios, y papia cu Dios , pidi su intervencion y mira su bendicion den nos bida.
Nos ta tene cuenta cu tur regla di DVG y nos ta pidi bo pa bo bini tempran pasobra nos ta tene cuenta cu e capacidad di e Auditorium.
Un yamada ta bay na tur hende pa nan tuma un pida papel, for di awe y scirbi nan peticion di oracion duidelijk riba dje , pasobra esey ta un demostracion di Fe y Confiansa den Dios, di e cambio cu abo kier mira den bo cas y bo Famia, y hunto nos lo haci oracion.
Henter e Iglesia ta prepara pa sirbi, cu amor y dedicacion, hende homber, e damasnan y e hubentud den un solo bos pa proclama cu Hesus Cristo ta Señor.
Tur cos ta posibel pa esun cu ta kere, y abo como persona, como mama, of tata, tin derecho di mira un cambio den bo famia, tin derecho di mira bo yiunan bendiciona, un matrimonio stabilisa, un bon trabao caminda bo por cumpli cu tur bo necesidad nan.
E palabra ta bisa den Josue Capitulo 24 Vers 15 “Ami y mi cas lo sirbi Señor” y lo mas grandi cu e momento ta awor pa bo tuma e decision, pasobra mayan no ta primiti na ningun hende, nos no por warda mas, ta tempo pa busca Dios.
Pesey ta nos deber como Iglesia Pentecostal Di Aruba situa exactamente dilanti di Macro na San Nicolas pa invita y ta pidi bo pa haci tur locual ta posibel , pa bo tey hunto cu nos .
Nos Dios ta Todopoderoso.
Henter Aruba ta keda invita.
Bo presencia ta altamente aprecia.
