Ladron bon bisti a pasa man pa tas den Star Fashion

Diaranson anochi un tipo bon bisti a drenta den Star Fashion den Caya Grandi manera un raton di anochi y pasa man pa un tas. El a sali na careda cu e tas y core bay direccion pariba. Pero henter su hazaña a fracasa, mirando cu e doño di luga a core su tras y logra ranca e tas bek for di dje.

Polis a presenta p’asina tuma declaracion for di e victima. E homber no ta un choller, e tabata bon bisti cu su keds color blanco, bermuda y un bodyshirt.

Polis a cuminsa un buskeda den e area pero no a topa cu e homber aki. Ta spera cu pronto pone man riba e homber aki.