A bin dos mandato durante e reunion di sindicato di polis, SPA, hunto cu nan miembronan diaranson merdia na Club di polis, esta POVA. Ey a haya mandato pa bringa e recorte di 12,6% completamente y na di dos luga, pa yama un reunion general di miembronan diahuebs 2:00 pm na Club POVA. Ey e mayoria presente lo dicidi ki paso e sindicato lo tuma riba e manifestacion yama pa 3:00 pm saliendo for di Julianaschool.
“E sentimento ta, manera bo por pensa, nos tur kier kita e 12,6%, esey ta e basic”, asina subinspector Rodney Solognier, presidente demisionario di sindicato di polis a bisa durante e reunion na Stadion Frans Figaroa na Boegoeroei. “Nos tin un ALV diahuebs 2:00 na POVA”, segun e sindicalista a adelanta. Ta for di eynan polis lo dicidi si nan ta uni na e manifestacion, of nan ta para den banda. “Pero cu nos kier pa elimina e 12,6% no tin duda”.
