E nomber Hulanda oficialmente a stop di existi como designacion pa Nederland of na Hulandes Paises Bajos.
Gobierno Hulandes a tuma e decision di uza unicamente e termino oficial pa haci referencia na e pais, cu cual entrante 1 di januari, e empresa, embahada, ministerio y universidadnan a pasa pa uza unicamente e nomber di Nederland, NOS ta informa.
Tambe, e logotipo di e pais tambe a wordo substitui pa uno nobo, ya cu anteriormente e Hunta di Turismo y Convencion di Hulanda tabata uza e simbolo di un tulp y e palabra Hulanda.
A informa e costo di e logo nobo tabata di 200 mil euro. Segun e Ministerio di Comercio Exterior, Sigrid Kaag, e diseño ta “un medio practico pa presenta “Nederland” den exterior di un manera moderno.”
“Mi ta sigur cu mayoria di hende lo compronde cu e costonan ta bin prome cu e beneficionan, y como nos ta papiando di miles di miyones di euro y empleo, 200 mil euro ta un cantidad chikito den e pakete total,” Kaag a anuncia.
E nomber oficial di e pais lo pasa pa figura den e Weganan Olimpico di Tokyo na 2020 y durante e festival di cancion Eurovision, cu lo tuma luga na mei den e ciudad Hulandes di Rotterdam.
Tambe, e seleccion di futbol tampoco lo sigui ta Hulanda. E decision di e gobierno ta basa cu tecnicamente Hulanda awendia solamente ta un importante region historico situa den e costa occidental y forma pa dos provincia, Hulanda Nort y Hulanda Zuid, ora cu en realidad ta 12 provincia cu ta forma “Nederland”.
Na october ya a informa riba e proposito di e gobierno di deshaci di e nomber Hulanda pa referi na henter e pais. A sostene cu e reposicionamento global tambe tin como obhetivo deshaci di e imagen di e pais asocia cu e cultura di e consumo di droga y e Roze Buurt di Amsterdam.
“Nos kier presenta “Nederland” como un pais habri, creativo y inclusivo. Nos a modernisa nos enfoke,” e vocero di e Ministerio di Asuntonan Exterior di Hulanda a señala anteriormente.
Di su parti, e experto Kitty Koelemeijer, di Universidad di Negoshi di Nyenrode, a expresa cu un cambio di nomber por yuda crea otro asociacionnan cu un marca. “E nomber di Hulanda ta evoca imagennan di keshi, tulp, Frau Antje y Cruijf.
Mi ta imagina cu Nederland kier perfila mas como un pais cu ta lidera tecnologia, por ehempel den e sector agricola, deporte y cultura. Nan ta desea pa duna e marca di Nederland un significado mas actualisa,” Koelemeijer a bisa.
