Bastante persona a join e Blue Line Walk/Run. Por a mira diferente miembro di Cuerpo Policial, pero tambe famia, sostenedo y amigonan di polis cu a sostene e caminata organisa pa diferente studiante di Scol di Polis.
Esaki ta un iniciativa di e studiantenan mes pa por conecta bek cu comunidad. Ultimamente Cuerpo Policial ta den un imagen tiki fastioso y awo nan a bin cu un iniciativa pa por comunica bek cu comunidad y e idea ta mustra di a duna su resultado.
Tur hende tabata tin bisti den diferente tonalidad di blauw, mustrando asina nan sosten na e famia di Cuerpo Policial, den e area di LG Smith Boulevard. E caminata a sali for di Ritz Carlton te na Boca Catalina y bek. No solamente por a tuma nota di alto mando di polis pero tambe minister di husticia tabata tey presente pa duna nan sosten na e studiantenan di Scol di Polis.
E caminata tabata tin un distancia di 6 kilometer, y naturalmente pa esnan cu ta motiva mas ainda, tin premionan disponibel. Por lo general e caminata tabata un exito rotundo.
