Ta for di algun siman caba ta mencionando nomber di varios polis den rango halto di Cuerpo Policial di Aruba, incluyendo ex-altoinspector di polis cu ta interesa pa tuma e funcion di director adhunto di Wardacosta di Caribe Hulandes. Separa di Aruba, ta conoci cu for di Hulanda mes tambe y hasta di Corsou tambe tin un interes grandi. Pa tur interesa, e funcion ta rekeri muda y bay biba permanentemente na Corsou.
Tocante Wardacosta
Wardacosta di Caribe Hulandes ta un organisacion maritimo, aereo, policial y civil responsabel p’e aplicacion di ley maritimo y prestacion di servicio. Su tareanan principal ta control di droga y operacion di buskeda y rescate. Wardacosta ta un asociacion entre e paisnan di Reino Hulandes. E ta implica un gran cantidad di departamento, diferente statuto huridico y un cooperacion intenso entre e personal militar y civil.
Mayoria parti di e personal di Wardacosta ta realisa tarea operativo y ta responsabel p’e vigilancia maritimo y e prestacion di servicio. E personal di Wardacosta ta reparti entre e Centro di Wardacosta di Corsou, e tres substacion nautico na Aruba, Corsou y Sint Maarten y e substacion di aviacion di Hato (Corsou).
Wardacosta ta maneha p’e Ministerio di Defensa Hulandes. E comandante di Forsa Arma di Caribe Hulandes (De Commandant der Zeestrijdkrachten van de Cariben) ta desempeña funcion den nomber di e ministerio, incluyendo maneho di Wardacosta. Como director adhunto di Wardacosta, lo traha for di e centro di Wardacosta na Corsou.
REKISITO Y RESPONSABILIDAD DI E PUESTO
Ta spera cu e candidato ta ofrece lo siguiente:
- Un formacion academico completo di por lo menos cinco aña di experiencia den un puesto di direccion avansa, preferiblemente den un ambiente policial of hudicial.
- Experiencia internacional amplio den persecucion y investigacion.
- Experiencia amplio den maneho di un organisacion grandi.
- Afinidad, experiencia y conocemento riba tereno hudicial of policial.
- Conocemento demostra di e despliege operativo di personal y di e ekipo nautico.
- Capacidad pa nabega interes nacional, como tambe p’e diferente culturanan.
- Capacidad pa move cu facilidad den un ambiente administrativo compleho.
- Experiencia den formulacion y aplicacion di recomendacion politico den practica.
- Flexibilidad, resistencia na stress, decision y motivacion.
- Pensamento analitico y innovado.
- Bon sentido di comunicacion riba diferente nivel.
- Dominio excelente di e idioma Hulandes y Ingles tanto den combersacion como den skirbimento. Lo balora conocemento di Papiamento y Spaño.
E funcion di director adhunto di Wardacosta di Caribe Hulandes lo encera, entre otro, e responsabilidad pa ehecuta tarea di Wardacosta a traves di maneho diario di Wardacosta di Caribe.
Evalua e tareanan asigna na Wardacosta di Caribe.
Ta encarga pa prepara e diferente informacion y registronan di Wardacosta. Ta asesora riba desaroyo nobo y tuma decision strategico riba maneho nobo. Ta desempeña tur e funcionnan y responsabilidadnan cu e director ta indica.
Por aplica ainda Manda un carta di presentacion y CV na [email protected] prome cu dialuna dia 10 di october 2022. E proceso di seleccion ta inclui un analisis di referencia (referentieonderzoek), como tambe analisis personal, psicologico y medico. Pa mas informacion riba e organisacion, bishita nos webpage www.kustwacht.org of facebook.com/kwcarib.
