Despues di e atraco banda di Corte, polis como personal di CEA a cuminsa mobilisa den e area rond y den Rancho y asina a bin topa cu un homber sospechoso, aunke e descripcion no ta cuadra completamente cu esun di e atracado di mas tempran.
Polisnan coriendo rond a bin topa cu e homber sospechoso den un hanchi di Johan de Wittstraat y Koningstraat. A para e homber aki debi na e atraco cu a tuma luga un rato prome y e tabatin un t-shirt bisti manera describi.
Ta trata di un adicto ambulante cu ta conoci pa autoridadnan. Pero loke cu a hala nan atencion ta cu e tabatin basta cos den su poder, entre otro colonia cera ainda. Como cu e no por declara di unda el a haya of saca tur e materialnan aki, a dicidi di deten’e y confisca e tas cu tur cos den dje.
