E resvista mundialmente konosi den mundu di moda WWD-Women’s Wear Daily a anuncia den un Breaking News ku e hoben talentoso diseñado joe di Kòrsou Rushemy Botter a bira Direktor di e famoso kas di Moda Nina Ricci.
Ku e nombramento aki e hoben talentoso diseñador joe Kòrsou Rushemy Botter a bira e sensashon mundial den mundu di diseñado nan internashonal.
Rushemy Botter ta un diseñador di trahe maskulino kende a studia i gradua Cum Laude na Koninklijke Academie van Schone Kunsten na Antwerpen Begika, bou di guia di Walter van Berendonge. Durante di e anochi di graduashon na Belgika Rushemy a sa di gana e sinku premionan ku tabata disponibel inkluyendo e premio maximo di “Dries Van Noten Award” pa su mastercollectie. Den su diskurso e famoso diseñador mundialmente konosi Dries van Noten a rekonose e talento di Rushemy i a bisa ku e la gusta e su kolekshon i ku e lo bira un famoso i tremendo diseñado.
Rushemy a risibi un invitashon di VFILE pa presenta su Mastercollectie na New York Fashion week kaminda e la debuta i alabes a sa di kapta atenshon i risibi hopi elogio di manera entre otro Naomi Cambell, Jerry Lorenzo, kantante Rihanna, stylist Mel Ottenberg, Virgil Abloh i rapper Young Thug kende durante di e show tabata bisti den un di su outfit nan. Durante ku e modelonan tabata show e kolekshon di Rushemy e rapper Young Thug a subi e runway pa’sina demostra apresio pa Rushemy i su kolekshon.
E famoso Ellen DeGeneres di progama di televishon “The Ellen DeGeneres Show” a pone atenshon I presenta algun di e famoso diseño nan di Rushemy durante e famoso New York Fashion Week.
Rushemy tin su propio brand “Botter” i konhuntamente ku su enamorada i kompañera di bida Lisi Herrebrugh kende tambe a studia i gradua Cum Laude na “AMFI” Amsterdam Fashion Institute, tin nan propio showroom na Belgika i tambe Paris. Na luna di april ultimo durante presentashon di nan kolekshon maskulino na Première Vision Grand Prize at the Hyères International Festival of Fashion and Photography, nan a keda aserka pa diferente kas di moda entre otro Nina Ricci. Despues di diferente deliberashon i a presenta algun sketch pa mustra nan vishon e duo “Botter & Herrebrugh” a skohe pa e oferta di Director Artistico di e kas di Nina Ricci.Den un entrevista esklusivo e Brand President, Markets and Operations José Manuel Albesa a deklara ku “Botter and Herrebrugh” lo trese un rehobenesementu kompletu na e kas di moda Nina Ricci, nan vishon no ta un evuloshon pero un revulushon. Tambe e ta sigi bisa ku e director artistico nobo di Nina Ricci Rushemy Botter kende a nance riba e isla di Korsou ta un maestro di kolo I tin e “Caribbean jole de vivre” kual ta hopi apropia pa e brand I ekstremadamente apropia pa e tempu di awor. E ta karaktisa nan komo poetico, playful and bold. Nan prome kolekshon pa kas di Nina Ricci lo wordu ofisialmente presenta na luna di mart durante Paris Fashion Week.
