Un hoben cu apenas ta preparando pa pasa su rijbewijs di brommer a sali caya riba scooter. E kiermen ta recien el a cumpra e scooter pendiente su examen proximamente. Asina mes el a dicidi di subi scooter sali caya. El a tuma un chens. El a dicidi di pasa banda di e rotonde di Noord bay ariba banda di warda di Polis.
El a purba core duro pero e Polisnan cu nan brommer nobo a sali su tras. Nan a mire sin helm y e brommer sin number. A logra pare te banda di e veld na Boegoeroei. E hoben a haya varios multa. Core sin helm, sin rijbewijs, sin seguro, sin number. Un regalo gordo gordo pa paga e lo haya den algun siman for di Ministerio Publico.
Polis a bise cu e mester paga tur cos di e brommer pa e haya esaki bek. A bise tambe cu mas e tarda ta mas e costa pasobra mester paga 25 florin pa cada dia cu e brommer drumi den warda. E hoben tabata preocupa cu loke el a haci ta bay riba su record den husticia. Polis a bise cu nan por a detene mesora pa coremento sin rijbewijs. A opta pa mas bien dune multa.
