Oranjestad ta un ciudad bunita y rico na historia y cultura. Sinembargo, manera cualkier ciudad, semper e por beneficia di un plan di revitalisacion pa yuda mehora e calidad di bida pa residente y turista. Afortunadamente, tin algun inversionista na Aruba cu ta trahando riba un plan di transicion pa e area di centro. Mester renoba e edificionan bashi pa asina yuda cu e problema dje luganan bashi y intensifica e area.
Wilhelminastraat ta un caya historico hopi popular na Oranjestad, conoci pa su tiendanan, restaurantnan y atraccionnan cultural. Den e caya por haya algun monumento interesante. Den e añanan reciente, algun inversionista a yuda revitalisa Wilhelminastraat, dunando un bida y energia nobo na e area.
Un di e inversionistanan aki, Harry Koeman, a inverti den e renobacion di un cantidad di edificio incluyendo un monumento na Wilhelminastraat. E renobacionnan aki a yuda preserva e patrimonio cultural y arkitectonico di e caya, mientras cu nan ta crea espacio nobo pa e negoshinan comercial of restaurant. E inversionista tambe a enfoca riba e creacion di algun apartamento na Wilhelminastraat.
“E apartamentonan nobo lo atrae mas hende na e area y lo impulsa e negoshinan den centro”, Koeman a menciona. En general, tur e inversionnan aki hunto cu otro inversionista a yuda haci di Wilhelminastraat un area mas atractivo y bibo, no solamente pa bishita pero tambe pa traha y biba. Door di preserva y mehora e patrimonio cultural y arkitectonico di e caya, e inversionistanan aki ta sigura cu Wilhelminastraat lo keda un area di importancia vital pa e comunidad di Oranjestad.
