Diasabra ultimo a tuma luga e di 23 Best of the Best Taekwondo Challenge organisa pa Brazil Taekwondo Stichting den Centro di Bario Brazil. Grand Master Chaco Cornelio kende a distancia su mes for di Taekwondo a presenta na Best of the Best. Grand Master Chaco Cornelio a trece bon energia pa tur hende presente. Nos mester bisa cu durante henter dia tur pelea a bay bon sin cu un hende a haña un lesion.
Manera cu Grand Master Chaco Cornelio a drenta e porta, tur hende presente a lanta for di nan stoel y a duna Grand Master Chaco Cornelio un standing ovation. Cali Manuel di Corsou a pasa un microfoon pa Grand Master Chaco y a haci un entrevista chikito cu Grand Master Chaco Cornelio.
Grand Master Chaco Cornelio a splica den corto cu e ta ocupa cu algun proyecto cu e tin pendiente pa caba cune y e no por a keda henter dia. Grand Master Chaco Cornelio a desea tur atleta hopi forsa y exito den Best of the Best.
