Taxistanan ta keda pasa mal rato den man di gerencia di aeropuerto, te cu dado momento nan ta reclama, cu nan ta laga touw taxi, cu si tin permiso pa por traha riba tereno di aeropuerto, y otronan cu tin nummerplaat O of T cu no tin taxipermit, si nan no ta ni mishi un dede.
Un di e taxistanan afecta a menciona cu e taxinan aki ta paga un contribucion na aeropuerto y alabes nan ta bin paden pa asina nan por duna servicio segun regla. Nan a keda para un rato y nan a wordo getouw. Desde dia cu a yama prensa pa por cubri esaki, gerencia ta keda piki pieu cu taxistanan.
Segun taxistanan, autonan di huur, cu tampoco no tin sticker, nan no ta ni mishi cu nan. No sa si ta placa bao di man nan ta haya. Ningun hende, ni polis ni DTP no ta controla esakinan.
E otro situacion tambe ta cu nan ta cobra e taxistanan y a priminti nan cu nan ta pone cuminda y coi bebe. Tabata tin un mashin di refresco, pero esey tambe nan a kita.
Te awe no por tin coi come. Nan ta manda hende cu coy come bao di palo pa e taxistanan, pero nan ta wordo cori. E taxistanan no por tin coi come, of coi bebe y ta un miserabel cooler mester bebe awa na dje.
Ta tristo cu un aeropuerto grandi asina cu tin cu duna servicio na dje, ta haya un trato asina. Alabes nan ta piki riba nan. Taxistanan ta pensa cu e gerencia di aeropuerto no ta sirbi pa nada.
Pero nan si ta deshaci completo. No tin un sistema, no tin un structura na aeropuerto. Ta riba taxinan so nan ta ril.
Imagina cu e taxistanan tin cu baha e turistanan dilanti di aeropuerto, dunando nan servicio. Tin turista cu mester di un rolstoel. Tin cu bay te paden, pidi rolstoel bin bek. Hera cu bay paden, ta touw auto. Ta servicio e taxistanan ta duna. Asina ta trata un bon embahador di Aruba cu tin cu handle e turistanan?
Kico lo pasa si blokia tur e entrada? Ta e taxistanan ta haya mal nomber atrobe. E cos aki mester caba un manera. Nan no sa dicon tin tanto ril contra e taxistanan y ta haya cu nan ta full fout.
Tanto promesa cu nan a haci pa facilita e taxistanan, pero ta puro papiamento.
