Celebracion di Dia di Bandera na Corsou a contagia ministernan di Gabinete Pisas II, cu a haci un sesion di fotografia den paña folklore. E potretnan a bira un sensacion riba red social. Cu esaki ta participa activamente na e celebracionnan cu ta tuma luga e aña aki, despues di dos aña.
Dia di Bandera
Riba dia 2 di juli, Corsou ta celebra Dia di Bandera. Riba un dia manera awe, pero na aña 1951, cu pa prome bes Eilandsraad a tene nan prome reunion. Y riba 2 di juli 1984, a yama e dia aki como “Dia di Bandera”.
Riba dia asina ta hiba bandera di Corsou riba Brionplein na Otrabanda den Parke Himno y Bandera na Barber. Mescos cu na Aruba, riba un dia manera awe ta hisa bandera tur rond di Corsou.
Tocante Gabinete Pisas
Gabinete Pisas II ta e gabinete actual di Corsou, alabes e ta e di dies gabinete desde 10-10-10. E gabinete ta forma pa un coalicion cu ta consisti di Movementu Futuro Kòrsou (MFK) y Partido Nashonal di Pueblo (PNP).
Prome Minister Gilmar Pisas ta dirigi e gabinete, desde dia 14 di juni 2021 Gobernador di Corsou a hurament’e y asina el a bira e sucesor di Gabinete Rhuggenaath. E partidonan MFK y PNP hunto ta representa 13 di e 21 asiento den parlamento, nan a firma acuerdo di cooperacion y division di e funcion ministerial despues di un siman di a cera conoci cu e resultado di eleccion cu a tuma luga dia 19 di maart 2021. A firma e acuerdo di coalicion dia 30 di april.
Durante e proceso di formacion a nombra ex-minister Ruthsel Martha y abogado Chester Peterson como informado. Pa motibo cu Martha no tabata biba na Corsou, a apunta unicamente Peterson como formado. Den e proceso di formacion a pidie pa e duna extra atencion pa reduci pobresa, e recuperacion di finansa publico, desaroyo economico, pa lucha contra e desbentaha den educacion, reparacion di infrastructura, mehoracion den cuido medico y tambe e lucha contra delincuencia.
E gabinete a tuma e mandato cu shete minister y dos vacatura. E post di Minister di Husticia y Minister di Desaroyo Economico a haya provisionalmemte un otro aceptacion despues cu e dos candidatonan proponi, Eduard Braam y Ramon Chong, a resulta di no ta ministeriabel debi na nan pasado cu husticia.
Dia 22 di september 2021, Ruisandro Cijntje a huramenta como Minister di Desaroyo Economico. Shalten Hato a huramenta como Minister di Husticia dia 18 di maart 2022.
