Esey ta unico cos cu e acusado Rudolph Lacle por a bisa di e dos acusacionnan cu Ministerio Publico a presenta contra dje. E prome acusacion ta cu den e periodo di 2005 pa 2008 el a tene relacion cu un mucha muhe menor di 8 aña, door di penetra den su curpa of door di frega cu su parti intimo memey di pia di e menor.
E di dos acusacion ta cu den e mesun periodo ey, el a comete acto di inmoralidad cu un mucha muhe menor di edad tambe. E denunciante ultimo aki mientrastanto a bay biba na Hulanda.
E prome mucha muhe tabatin 8 aña ora cu e echo a tuma luga ora cu e tabata bay na cas di su wela. E acusado aki tabata compañero di bida di e wela. “Mi ta kere cu e muchanan aki a haci e cos aki pasobra mi tabata hopi streng cu nan, mescos cu mi tabata cu e yiunan di mi ruman homber tambe. Mi ta kere nan kier boycott mi, pa venganza nan a haci e cos aki”, tabata e contesta cu e homber a duna ora cu Hues a puntr’e ki motibo tin pa e dos denunciantenan aki pa gaña contra dje.
