Federacion pa Trahadonan Arubano (FTA) e siman aki pa tres dia largo a organisa un seminario cu ta forma parti di un programa di formacion cu FTA a cuminsa cu ne e aña aki. Presidente di FTA, mr. Hose Figaroa ta amplia.
Intencion di e programa aki, cu ta yama Programa di Formacion di Cuadro Strategico ta pa FTA forma for di su delegadonan, su futuro lidernan. Di parti di sindicato, nan a haya hopi importante pa FTA tin un lider cu ta sali for di su mesun organisacion. Pa haci e trabou manera mester ta, e mester tin un formacion adecua.
Den FTA su presupuesto di e aña aki, a pone un suma basta grandi un banda, cu ta dedica na formacion cu a cuminsa na comienso di e aña aki. Ta haci esaki conhuntamente cu Universidad di Trahadonan di Latino America (UTAL) y tambe cu e instituto nacional di educacion social (INES) di Colombia. Den pasado FTA a yega di traha caba cu nan y e biaha aki un bes mas ta trahando conhuntamente atrobe hunto cu e Centro di Formacion di FTA, pa asina nan haci e programa di formacion aki.
Pa un relato mas amplio, lesa TREMPAN.
