Esey ta e informacion obteni extra oficialmente y cu ta indica cu Secretario di Estado Alexandra van Huffelen lo ta realisando su di tres bishita oficial pa nos isla den e cinco luna cu e tin ta ocupa e funcion pa Gabinete Rutte IV.
Prome cu e yega Aruba, e ta pasa na islanan BES entre 12 y 19 di juni yegando prome na Saba, sigui pa St. Eustatius y por ultimo Boneiro. Durante e trayecto aki di su biahe, e ta compaña pa colega Minister di Vivienda Popular y Ordenansa Teritorial, Hugo de Jonge. Na Aruba mes e Secretario di EstadoHulandes ta yega dialuna 20 di juni pa un atende un reunion cu Minister President Evelyn Wever-Cores riba e topico di COHO.
