Recientemente e Federacion di Ahedres a organisa un otro torneo internacional di ahedrez cu tabata un bez mas a resulta den un exito rotundo. E torneo internacional di ahedrez “Aruba Chess Challenge 2019” a tuma lugar den La Cabana Beach Resort and Casino. Pa varios aña caba e federacion di ahedrez ta organisando e torneo internacional aki, cu e biaha aki a conta cu participacion di Corsow y Hulanda. E torneo Aruba Chess Challenge a wordo hunga den difetente categoria di edad manera U12, U18 y tambe den Open.
Mester bisa cu nos atletanan di Aruba a logra haci un tremendo papel den e Aruba Chess Challenge 2019 unda nos hungadornan a obtene varios prome lugar mientras otronan a logra cay den premiacion. E torneo tabata bon bishita y sigur di un caliber y nivel halto. E bataya tabata fuerte entre e tres paisnan participante.
Stichting Sportsubsidie Aruba ta contento di por aporta y brinda e ayudo na e federacion di ahedrez cu un bez mas a organisa un tremendo torneo internacional Aruba Chess Challenge 2019.
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
