E homber kende a haya morto den su cas na Gravenstein den Bijlmer ta mata. Esaki ta loke Folkert van Dekken Teamleider dje TGO team (Team Grootschalig Onderzoek) cu ta investiga e caso cruel aki a declara awe.
E victima a keda identifica como Johnny Ponson di 65 aña di edad kende a nace na Aruba. E tabata biba su so den un vivienda den e compleho di flat Gravenstein den Bijlmer.
E tabata conoci pa varios habitante den e area menciona ya cu e tabata yuda nan cu nan asuntonan fiscal e.o. yena formulario di belasting pa nan. Diasabra dia 30 di maart polis di warda na Flierbosdreef a haya un yamada di un conoci di Johnny cu e ta preocupa ya cu e ta busca contacto cu ne pero e no ta contesta.
Polisnan a kibra e porta drenta y a bin haya Johnny morto. Debi cu despues di un luna e investigacion aki no a haya un apertura van Dekken hefe dje team investigativo a bin cu ne den publicidad pa haya testigonan o hendenan cu por sa mas.
