Diaranson den oranan di merdia un polis for di servicio a bin topa cu un chauffeur basta cu a causa un accidente den area di Santa Cruz.
Un poco despues di 2’or di merdia un Polis na civil tabata coriendo riba e caminda di Macuarima ora cu el a topa cu e situacion aki. Tabata trata di un Hyundai Accente, color cora y numera A-75691, biniendo for di nort bayendo zuid cu velocidad hopi halto.
El a perde control y keda spin den e birada net na momento cu un pick-up tabata pasando. E chauffeur di e pick-up a spanta y a purba kita, pero asina mes e Hyundai a dal den dje.
E Polis na civil a baha for di su auto, a kita yabi di e chauffeur, y a yama su coleganan pa bini na e sitio. Nan a nota na actuacion di e chauffeur cu probablemente e ta bou influencia di alcohol pa cual a pidi Dogcatcher pa transport’e pa warda unda ta haci e testnan cun’e.
