For di algun tempo caba tin rumor circulando cu parlamentario Arthur Vallejo lo bay tuma su retiro for di parlamento. Algun siman pasa caba a puntra minister presidente, Evelyn Wever-Croes, tocante esaki pa cua el a bisa cu en berdad Vallejo tabata considerando su opcionnan y a pensa cu kisas e por sirbi comunidad den un miho manera pafo di parlamento en bes di den parlamento. Sinembargo, esaki no a resulta y pues Vallejo no tin ningun plan concreto ni palabracion cu e ta bay retira.
Wever-Croes a bisa cu si acaso den futuro un parlamentario di fraccion di MEP no por of no kier keda den parlamento, e ora lo tin un vacatura en berdad y lo mester yena esaki. Pues a clarifica cu ex-minister plenipotenciario no ta bay tuma luga di Vallejo ya cu tin diesun hende prome cu ne cu lo por tuma e posicion aki. Alabes el a bisa cu si ningun hende prome cu ne tuma e posicion y Vallejo tin e posibilidad pa tum’e, pasobra por ehempel e no a haci nada malo y no tin nada malo riba su nomber, no lo tin problema cu esaki.
Pa un relato mas amplio, lesa bo proximo edicion di TREMPAN.