Durante un conferencia di prensa, mama di baby Noah, Noemi Maduro a comparti cu Aruba, Bonairo ,Corsou, Hulanda y mundo henter, e proceso cu a tuma luga cu e morto di su angelito Noah cu a bay cas celestial. Tabata un momento hopi doloroso na unda e mama a comparti cada momento di cada proceso di e perdida di baby Noah.
El a conta ful e proceso di 2 mita dia cu baby Noah a bay e creche detayadamente, specifica y documenta Noemi Maduro a comparti cu desde cu baby Noah a yega creche 7:15 am, te 8:00 am pasa, a keda sinta den un “baby carrier” . Noah a ser saca di e “baby carrier” y poni den e box y e trahado pedagogico a bira bay atende otro baby. Baby kamer semper mester ta bou supervision. E accion di a saca e baby pone den otro ambiente cu ta e box, mester a mira ki e reacion y accion ta y keda na tur momento den e baby kamer.
Cada parti doloroso cu mama a discribi, mama a sinta cu diferente dokter na mesa y a ser informa lo siguiente, NO ta existi carrier, bonser, wieg, stoel di hala patras pa un baby di 127 dia cu su wervel kolom no ta ni forma ainda. NO mag di sali di babykamer, babykamer ta keda na tur momento bou di supervision. Un baby ta ser poni boca bou “met bij zijn van een ander”, cu presencia di un hende cu e baby, pa training di e garganta pa versterking y despues ta ser poni na e unico forma cu ta pone un baby di 127 dia di banda, batiendo suave riba su lomba.
Number di emergencia 911 ta ser yama prome na momento di cualkier situacion despues mama, den e caso aki ambulance tabata 2 minute leu di e creche. E mama a sigui bisa cu a pone baby Noah boca bou y a comparti cu e mes como trahado social, e sa cu e tey pa yuda y den e caso di baby Noah e prome yamada a drenta 8:37 am y despues e otro yama a drenta. E mama a haya yamada 8:33 am Ambulance ta keda 2 minuut leu for di e creche, pues ambulance por a yega basta lihe. E mama a sigui conta cu su persona a yama number 100 y a ser confirma despues cu ta polis Wouters, kende na su turno a yama 911 y pa 8:37 am e “first responder” a sali y a yega 8:39 am na e creche.
Hefe di ambulance Liberato Hoek a conta e proceso di nan di ambulance con e melding a drenta y con e proceso a bay pa cu baby Noah. Pediatra Eric Arends a conta resultado di autopsia cu ta bisa cu cada organo di baby Noah ta “zonder afwijking” y cu baby Noah ta un “gezonde zuigeling” di 4 luna y 7 dia. Noemy Maduro, e mama di baby Noah, a expresa riba e importancia di traha hunto, cu un solo meta: concientisacion y prevencion. “No por tin isla isla band’i otro cu e mesun meta, djies imagina of pensa cu diahuebs dia 24 di maart, bo yui a bay. Bo no kier tin isla, toch bo kier cooperacion y colaboracion pasobra hunto so nos por y realmente ta tuma un comunidad pa lanta un mucha.” Finalisando, Maduro a informa cu e ta trahando riba e meta aki y denter di poco, e prome campaña ta sali di concientisacion y prevencion ” HUNTO NOS POR” y cu un dia HUMANIDAD POR PREVALECE.
