Education USA Aruba tin e meta principal pa promove estudio na Merca y lo organisa un webinar titula: “Playing Sports in College” specialmente pa studiantenan cu tin e meta pa sigui nan carera como student-athlete na Estados Unidos. E panel lo consisti di representantenan di NJCAA (National Junior College Athletics Association) cu lo comparti e rekisitonan pa por competi na e nivel aki, ademas lo tin un NJCAA coach cu lo comparti su perspectiva como coach y student-athletes Arubiano nan cu lo papia di nan experiencia nan cu a haci nan exitoso na nivel di NAIA (National Association of Intercollegiate Athletics) y NCAA (Nacional Collegiate Athletics Association).
Den luna di April a haci un encuesta pa midi e interes di studiantenan di Aruba cu kier bay studia na Merca. Resultadonan a indica cu 55% di e participantenan a indica cu nan ta practica un of mas deporte y 57% di e studiantenan aki ta interesa den sigui nan carera como student-athlete na Merca.
E prome sesion cu EducationUSA Aruba ta organisa ta titula: “Playing Sports in College” lo tuma luga dia 9 di juni pa 6:00 pm y no ta solamente pa habitantenan di nos isla, pero ta dirigi na henter e region di Caribe y Latino America. Lo duna tur participante e oportunidad pa contesta preguntanan relaciona cu bira un student-athlete exitoso na final. E necesidad pa duna mas informacion tocante e oportunidadnan cu ta existi pa studia na Merca ta grandi y e team di EducationUSA Aruba t’ey pa yuda cu esaki.
Ta invita studiante-, mayor- y coachnan pa registra via e link: bit.ly/PlaySportsInCollege
Pa mas informacion por tuma contacto cu Education USA Aruba via email [email protected] of bishita nos riba Facebook @educationUSAAruba of Instagram @edusa_aruba.
