E conocido locutor Astrid Vries tabatin un programa na Blue FM cu yama ‘Astrid Bisami’, un programa social-educativo, caminda cu e tabata bin cu varios invitado entre otro deportista y politico.
Mirando cu nos ta den temporada di eleccion, tipo di programanan asina a bin cu su restriccionnan di parti di DTZ, cu di un manera of otro a manda varios advertencia pa dicho radio, debi cu a pasa e cantidad di minuutnan pa siman.
Un di e reglanan cu DTZ tin ta cu un radio por tin solamente mey ora pa siman pa partido. Nificando cu si pasa algun minuut, mesora advertencia ta cay.
Y esey a sosode despues di e programanan di Vries kende tabata pasa algun minuut riba e mey ora stipula pa DTZ.
Den un entrevista Vries a conta cu e ta sinti cu nan kier silenci’e, door cu Blue FM a cera porta pe, a pesar cu el a propone algun solucion pa loke ta trata su programa. Hasta el a puntra pa haci su programa live riba Facebook. Pero e gerente, kende ta Hubert Benito, conoci como DJ Corsou, no kier a tende di esey.
Loading…
Reload document 
Open in new tab E ta sinti tambe cu su oyentenan tin derecho di scucha tur partido y tur candidato politico.
Pero awe cos a dal un otro buelta, pasobra na momento cu Vries kier a drenta e luga, e porta tabata na lock. E no por a drenta e radio. E momento ey el a sinti cu nan a trapa riba su derechonan, manera cu el a haci algo malo.
DJ Corsou di su banda, a bisa cu loke cu Astrid Vries a trece dilanti ta co’i hari. Contrario na loke el a bisa, DJ Corsou kiermen cu e no a haya tres, sino seis advertencia di parti di DTZ, cual e ta sintie intimida.
E ta lamenta cu Vries a yega asina leu di yama prensa pa asina e haya publicidad y no para e programa pa dos siman pa asina cos keda calmo.
Pa mas detaye lesa matutino TREMPAN.
