E anja aki atrobe Cosecha lo brinda publico diferente workshops den e centro creativo di Cosecha cu ta situa na San Nicolas. Pa cuminsa e temporada di workshops pa 2018 lo tin diasabra dia 27 di januari dos workshops.
Cosecha conhuntamente cu e artesana Romelinda Maldonado lo organisa un workshop di Mandala Canvas Painting, unda publico por sinja pinta e disenjo grafico di Mandala cu espacio pa expresa su mesun creatividad. E workshop aki ta di 11.00 te 14.00 y ta costa 45,00 florin inclujendo material y refreshments. E di dos workshop dia 27 di januari ta esun di Owl on Driftwood. Cosecha ta ofrece esaki hunto cu e artesana Maja Lepsanovic. Maja ta traha cu driftwood y e ta bai sinja publico con pa traha cu e material aki husando verf y klei.
E workshop aki ta di 15.00 te 17.00 y ta costa 65,00 florin inclujendo material y refreshments. Inscripcion ta tuma lugar na Cosecha San Nicolas of na Cosecha Oranjestad. Pa mas informacion por tuma contacto cu Cosecha San Nicolas na telefoon 5878708 of Cosecha Oranjestad na telefoon 5878709. Tambe por manda un email na
[email protected]. Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.
