Marcos Trompis tambe ta un di esnan cu pa decadanan largo ta bin Corsou y e boto cu e ta bin bin cun’e, “Avila” tin 76 aña y tabata un di e prome barconan cu a funda e Floating Market na Corsou.
Henter e famia di Trompis ta depende di Corsou y esaki ta prome biaha cu nan a haya nan mes den e dilema, cual ta bon conoci pa mundo henter.
Trompis a splica cu na Venezuela ta caminda cu nan a keda tranca. E tabata na Corsou unda cu nan a pidi un reunion, pasobra e mercado flotante ta pertenece na Hulanda. E reunion aki ta pa plantea di e situacion, mirando cu lama ta hopi bruto y ta causa daño na e barconan.
Den un Papiamento basta bon, Trompis a splica cu nan kier pidi Monumentenzorg pa nan yuda den esaki.
Pa loke ta e situacion,nan a tranca nan salida y no tabata tin un splicacion pakico. Nan a prohibi nan pa nabega, y esey ta tur.
Na Aruba, ni Boneiro ta hayando barco, aunke cu tur cos a habri.
Reunion na Venezuela
Na Venezuela nan tabata tin protesta pacifico pa nan por bay bek Corsou. Mas di 25 mil famia a afecta directamente cu e blokeo na Venezuela. Nan ta depende di Corsou, di e Floating Market.
Reaccion di pueblo
Segun Trompis, nan a ricibi nan cu hopi alegria, algun hasta a yora. Na momento cu e ultimo barkito a bay, hopi hende a sinti’e y hasta video nan a graba. Na momento cu nan a bin bek, nan a ricibi nan cu man habri. Trompis ta gradici tambe e gobierno di Corsou y di Hulanda pa e apoyo cu nan ta brindando. Tin un solo peticion, nan no ta pidi nada otro. Pa bolbe na e luga original unda cu nan a proclama Patrimonio Cultural di Humanidad, cual ta na Punda.
Prijsnan abao
Nan ta keda mantene e prijsnan abao. Nan ta bin semper pa mantene e economia. Nan tin mas cu 100 aña cu un lista di prijs. Nunca el a cambia. Esey ta solamente nan a logra den e Floating Market. Un tabla di prijs original pa mas di 100 aña. Den cualkier otro negoshi, nan ta sinti e variacion di prijs. Riba e Floating Market, si un paki di siboyo ta un florin 100 aña atras, awendia e ta e mesun florin. E ta algo grandi y ta p’eseye barkitonan ta bin. Pa e economia di Corsou bin manera e ta. Tin caminda ta bende banana 3 of 4 florin. E barkitonan ta bende banana pa 1 florin. Nunca lo bay haya un luga cu lo bende manera a Floating Market ta bende;.
Tur hende
Eynan tur hende ta yega. E Chinesnan por ehempel ta cumpra por mayor. Nan ta un icono di e cultura di Corsou, segun Trompis. Ningun hende no por pasa riba e cultura. Solamente Dios. Lo cultural ta sagrado, lo cultural ta algo cu no por mishi cun’e. E barkitonan ta e cultura di Corsou. Trompis a menciona por ultimo cu e ta un Yiu di Corsou di Venezuela
