Durante cinco dia reparti den dos siman, e federacion di tenis di mesa a organisa un competencia en conexion cu e celebracion riba Dia di Rey.
E Copa Rey a wordo hunga den tur categoria di infantil te A klas. Mester bisa cu un cantidad grandi di hungador a presenta pa asina hunga e torneo aki cu tuma lugar den Club Estrella y Centro Deportivo Betico Croes na Sta Cruz. E weganan tur tabata riba un bon nivel, mientras nos hobennan prospecto a luci un bes mas y demostra cu e deprote di tenis di mesa ta den bon forma y sigur e direccion corecto.
Pa loke ta e resultadonan faltando dos competencia mas pa bay nos por bisa cu den e categoria femenino, e prome lugar a bay pa Mikayla Mathilda, e di dos lugar a bay pa Zury Ruiz y e di tres lugar a bay pa Joseliene Boekhoudt. Den e categoria masters, e prome lugar a bay pa Franklin Lopes, na di dos lugar a termina James Letren mientras na di tres lugar a caba Alfred Leong.
Den categoria U15, nos tin na prome lugar, na di dos lugar Robert Dirksen, na di tres lugar Mikayla Mathilda y na di cuater lugar Joseliene Boekhoudt. Den e mas chikitonan esta U11 nos tin na prome lugar Dylan de Leca, na di dos lugar Shaun Kock y na di tres lugar Nathan Lobo. Den e categoria U18 nos tin na prome lugar Jeandry Mathilda sigui na un di dos lugar pa Ching Ho Chung y na di tres lugar nos tin Jean Claude Hoek. E categoria B-klas y A-klas den Copa Rey 2018 lo sigui dia 8 di mei proximo.
Stichting Sportsubsidie Aruba a subsidia e cinco dianan di competencia di e Copa Rey 2018 den e deprote di tenis di mesa
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
