Tin hopi agenda di maldad, decadencia, inmoralidad, satanismo, ta cogiendo forma riba e mundo aki, y pa tristo cu ta parce bao di influencia politico mundial ta purba hinca mundo den un caos pa asina maldad por domina.
E paisnan cu antes tabata lucha contra maldad, awor ta aproba maldad,tirando etica y moral un banda pa complace cu plannan politico diabolico formando asina e caminda pa e anti Cristo por goberna.
Hopi ta wordo menciona di supuesto agenda 2030, 2040. Hasta 2050 cual a bira e cos cu ta entretene esunnan cu a lubida ken Dios ta y ta pone nan bista, riba e cosnan di mundo y hasta ta kere cu e forsa nan di maldad aki lo tin mas poder cu Dios (Santiago 4:4-8)
Pero actualmente nos ta mirando algo ta sosode cu mundo tin cu realisa cu ta Dios tin poder. E Keintamento Global of e Global warming cu ta tumando luga ta un indicacion cu ta Señor Dios Todopoderoso ta esun cu ta Doño y Señor riba tur cos, y cu Cristo Hesus ta na caminda.
Te ainda hopi no kier compronde esey, cu a yega e momento den cual mundo lo ripara cu e lucha pa poder y dominio riba e planeta aki no ta den man di esunnan:
· Mas rico,
· Tirano cu tin poder pa haci guera y destrui esunnan mas pober,
· E gobiernonan corupto cu ta aproba leynan contra principio y boluntad di Dios, rond mundo.
Asesinonan farmaceutico.
E invitadonan di droga cu ta causa daño fisico y mortal, e gruponan criminal, inmoral abominabel y diabolico cu no ta respeta Dios. Pero cu keto bay Hesu Cristo ta y ta keda e Rey di Reynan y Señor di Señornan.
Ta tempo pa tur hende lesa urgentemente loke tin para skirbi den 2 Pedro 3:7, pero tambe tuma bon nota di e oportunidad cu solamente Dios por duna den 2 Pedro 3:9.
Esun cu tin wowo mira, esun cu tin horea scucha, pasobra ta hopi engaño tin ta tuma luga riba e mundo, pa asina aparta hende for di e caminda di berdad, y wanta nan den e mundo di scuridad y destruccion.
Ta tempo pa nos mira cu wowo cla cu satanas ya ta preparando su sistema pa goberna e mundo aki. Nos tur conoce Santisimo Trinidad cual ta e Tata, e Yiu, y e Spirito Santo kendenan ta y lo goberna e mundo aki pa semper.
Pero satanas tambe kier imita, treciendo e mes, e anti Cristo, y e falso profeta, cual tur ta mesun cos,cambiando nomber pa e bestia, keriendo asina di por domina mundo completo.
Pero e agenda di Dios ta hopi mas avansa, poderoso y victorioso, pasobra den Cristo nos ta mas cu vencedor, y no lubida cu no tin condenacion pa esunnan cu ta den Cristo y cu nos bon Dios den su inmenso amor keto bay ta presentando e plan di salbacion na tur esunnan cu habri nan curason y invita Cristo Hesus pa bin biba den nan curason (Juan 3:16-18).
E cosnan aki mi ta skirbi boso cu ta kere den e nomber di e Yiu di Dios, pa boso por sa cu boso tin bida eterno (1 Juan 5:13).
Nos sa cu nos ta di Dios y cu henter e mundo ta bao di control di e malvado.
Y nos sa cu e Yiu di Dios a bini, y a duna nos comprondemento, pa nos conoce esun cu ta berdadero, y nos ta den esun cu ta Berdadero, den su Yiu Hesus Cristo.
Esaki ta e Dios berdadero y bida eterno (1 Juan 5:19-20).
Sinceramente,
Pastoor Marcel Balootje.
