Dialuna banda di 9:00 am na un cas den e bario di Nuñe cerca di Papaya na Paradera, a haya bishita inespera. Dos hende homber a yega y subi tereno priva.
E dos meneernan den e video a cana drenta e cura trankil net un tiki despues cu e doño di cas a sali for di cas. Tabata manera nan sa ki ora tin hende na cas y ki ora no tin hende mas.
Nan a cana bay e parti patras di e cas y kibra un bentana, manera e alarma a cuminsa bay e bisiña a sali pa mira kico tabata pasando. El a mira e dos individuonan aki y di biaha a puntra nan kico nan tin di busca eynan. E bisiña a drenta auto y sigui nan. E hombernan a bay for di e cas na pia pa despues subi auto y move for di sitio.
Ambos homber tabatin pechi bisti cu pechi y tapaboca. Nan a bisti handschoen pa asina no por laga atras fingerprint. Nan no a conta cu e cas tin alarma. Tur dos ta hende color cla. No ta prome bes cu hende a horta den un di e casnan den e area. Dia 6 di september ultimo, camara di e cas na Tanki Leendert a gara e dos hombernan aki ta horta. Nan tabata bisti cu e mesun paña, esta un na blanco cu short color scur y e otro shinishi cu creme.
Di biaha el a manda e doño di cas un video di e dos individuonan aki cu a purba di drenta su cas. E bisiñanan no ta spera di wak nan mas, pero nan ta haci tur cu por pa avisa tur den e bario como vecindario ta alerta riba e situacion aki.
