Pa e ultimo añanan, Centro di Bario Piedra Plata tabata hopi activo cu diferente actividad. E aña aki no ta un excepcion. Kimberly de Cuba, coordinado di proyecto a conta cu nan ta cla pa anuncia nan proximo evento kende lo ta un caminita. Esaki ta nan prome actividad pa aña 2023. E idea ta pa promove un bida saludabel, pero tambe trece famia hunto.
E caminata lo tuma riba riba diasabra 30 di september 2023. Tur cos lo cuminsa pa 3:00 pm cu diferente actividad. Por pensa riba wega manera ‘spel zonder grenzen’, dino jump, zumba, demostracion di tanto Milliard MMA Academy como Gymnastic AVANSE. Tiger Taekwondo Academy y Brazilian Jiu-Jitsu. E caminata mes lo cuminsa pa 5:30 pm y lo termina pa 6:30 pm. E dia lo culmina pa 8:00 pm.
E ruta
E caminata ta sali di Centr’i Bario Piedra y bay direccion Paradera, djey ta sigui pa rotonde di Bluemond y ta core bay te crusada di Sero Pita y asina ta coy cabes bek pabou y ta culmina den e parkeerplaats di Centr’i Bario Piedra Plat mes.
Pa registra ta facil, por tuma contacto cu: [email protected] of [email protected]. E registracion tin un costo di unicamente binti florin pa persona y claro lo tin premio na monton, entre otro pa e prome hende muhe y hende homber cu yega final prome lo ricibi placa cash. Asina lo tin mas premio pa reparti durante e atardi deportivo aki.
