Tur ex-studiante cu a bay biba den exterior y cu no a duna nan adres nobo na DUO, pa añanan largo a evadi di paga nan debe di estudio. Pero Dienst Uitvoering Onderwijs a pone un fin di esaki pa medio di un recurso di emergencia: esun cu tin un retraso di pago riba nan debe, lo no por renoba nan paspoort. Y esaki tin conscuencia drastico cu ne.
Asina e matutino Trouw a informa. Segun e corant, Dienst Uitvoering Onderwijs (DUO), den e ultimo añanan a suspende e prolongacion di paspoort di 2700 studiante. E medida ta aplicabel pa tur esunnan cu tin un retraso di pago di mas di 5 mil euro.
A perde un kwart di e studiantenan den exterior
DUO a ‘perde’ un kwart di e 100 mil ex-studiante cu ta biba den exterior. Un gran parti di esakinan (80%) di e ciudadanonan Hulandes aki tin un retraso di pago y esaki tabata un sumpiña den wowo di DUO.
Sea creativo cu falta di personal: compania ta paga debe di estudio di personal
E ex-studiantenan cu, despues cu nan no por a renoba nan paspoort, a tuma contacto cu DUO y a yega na un areglo di pago, a haya un paspoort temporal di 12 of 24 luna. Aunke cu e areglo ta efectivo, e National Ombudsman tin critica fuerte riba esaki.
Si no tin contacto c’un studiante ‘perdi’, e ora ta comprendibel cu DUO ta blokia e renobacion di e paspoort, segun e ombudsman. Pero si un persona simplemente no por cumpli cu e areglo, un blokeo asina ‘no tin sentido y no ta na su luga.”
PERDE TRABOU OF A BANDONA E PAIS
E corant a acerca algun ex-studiante, cu a bisa cu e medida aki tin consecuencia grave pa nan bida den exterior. Asina tin hende cu a perde nan trabou of nan no por a keda den e epais pa motibo di no tin un paspoort valido.
DUO ta haya cu esaki ta responsabilidad propio di e ex-studiantenan.