E castigo por subi. Si tin accidente cu ta wordo causa pa motibo di esaki. Polis Motoriza Alex Pieters a splica cu na Hulanda recientemente a cay un castigo di 4 aña di prizon, pa un persona cu tabata core duro, haciendo uzo di telefon. Esey lo wordo implimenta akinan tambe. Si mira cu morto a wordo causa of tin un accident cu a tuma luga pa motibo di esaki, tur esaki ta keda subi, ta ministerio publico lo bay dicidi con hopi e castigo lo bay ta y si ta bay tin un rijverbod tambe.
Glasnan getint
Glasnan getint ta un factor. Esaki ainda ta den tramite. Tin cu adapta mas ley. Dilanti zowiezo di e auto, no mag di tin tint. Si haya un auto cu ta dilanti getint, esta e windshield, cu ta stroba polis wak paden, esaki ta castigabel pa ley caba. Semper e tabata asina. Pa loke ta e glasnan na banda di pasahero y chauffeur dilanti, tin discusion riba dje. Tin manera un gedogenbeleid, cu ta wordo tolera te cierto grado. Pero e windshield dilanti no mag di tin ningun tint riba dje. Si ripara cu e auto aki tin tint, mester cuminsa treed op riba tint dilanti tambe. Ministerio Publico ta duna sancion riba esaki. E ora e boet ta subi. Ta wak’e por ehempel door di movecion, e acto di e chauffeur y tambe por wak’e na e luz di celular cu ta cende na e screen. Tin maneranan cu ta wak’e y tin tactica cu tin cu bay cambia pa wak esaki miho.
Lapso di gracia
Segun Pieters, esaki ta un decision di Ministerio Publico. Ta for di Augustus caba e ley aki ta na vigor. Desde Augustus, varios biaha el a wordo menciona den prensa y publico cu e ley di celular a keda cla. Dentro di poco lo cuminsa actua riba dje. Tabata un aviso caba e tempo ey. Polis a wordo yama ayera cu ministerio publico tabata tin reunion riba esaki y a pone un sancion caba. A duna polis e ora e green light. Si tin un periodo pa hende custuma, esaki ta na mando policial y e ora tambe na Ministerio Publico.
Otro infraccionnan
Pieters a comenta cu tin un otro ley tambe cu a pasa for di Augustus, cu ta hopi importante, cual ta e hecho cu hendenan ta den un accidente y ta core bay despues di e accidente. Den e ley bieu ta poni cu si no tin herido, bo por bay y despues di dos ora bin bek, meld na warda di polis of si no tin nada special, ta djis duna dato, duna rijbewijs, seguro, y despues ta bay for di e sitio. Esaki tambe a cambia cu ora bo hayabo den un accidente cu tin un hende herida of tin un daño nihil na e otro auto, bo no mag di bay for di e sitio, te ora cu polis of otro instancia concerni yega eynan pa duna dato. Awo bo no por duna copia di rijbewijs y core bay pa bin bek despues. Tur hende mester keda para. E tabata un problema cu a crece ultimo tempo cu tin hende ta hayanan den accidente y despues core bay. E articulo aki a cambia, cun’e, dependiendo di e situacion, Ministerio Publico lo dicidi cuanto e boet lo ta.
Polis lo buscabo y depende con grave e situacion ta, y a base di esey ta bay wak si ta bay tin detencion y castigo di prizon. Esey fiscal lo bay dicidi riba dje.
