Polisnan cu tabata atende un accidente riba Sasakiweg a core bay na e rotonde chikito banda di CITGO Sasaki. A tende cu auto a caba di dal un hende. Ora polis a yega a nota cu ta un problema tabatin eynan, pa cual a rekeri nan intervencion rapido.
A topa cu un grupo di Chines na grito y un homber color scur cu auto lo a dal. Tur cos a cuminsa den Caya Tumba. E homber color scur lo a bay atende cu e Chinesnan. Cierto insulto a cay y cos a bay fo’i man. E Chinesnan a sali rabia tras di e homber.
Testigonan ta bisa cu e Chinesnan tabata cu biga y otro armanan tras di e homber pa regla cuenta. Un otro Chines cu un auto a dal e homber cu auto. Polis a constata cu tabatin daño na e auto, cu ta confirma cu nan a caba di dal un hende cu e vehiculo di motor.
Polis a purba calma e situacion y trata na compronde tur hende. Mescos a scucha algun testigo. Finalmente polis a detene e Chines cu tabata stuur e auto. Tambe a detene e homber color scur cu a yega causa problema na cas of negoshi di e Chinesnan.
A transporta ambos pa ward’i polis pa atende cu nan mas trankil y pa por yega na e caso mes. A confisca e auto tambe. E tabata un momento di basta tension na e sitio cu a trece un drukte basta pisa cu e cantidad di polis y etc.
