Dialuna anochi a sosode dos atraco arma riba un truck y luga di cuminda. E prome tabata na Well Done Snack na Tanki Flip y e otro tabata na Ruiz Take Away na Tanki Leendert. E prome melding tabata alrededor di 11:00 pm. Polis a yega lihe na e sitio, pero no suficiente rapido pa por a gara e atracadonan ainda.
Na e prome atraco a bisa polisnan cu tres homber a yega arma, bisti na preto, cara tapa y a bay cu mas of menos 200 florin. E hombernan a dal un testigo y un trahado femenino cu ta traha na Well Done Snack pa despues bandona e sitio na pia.
Un rato despues a sosode un otro atraco y ta mustra cu ta e tres personanan aki, kendenan a horta na Well Done Snack. E di dos atraco tabata na Ruiz Take Away unda cu nan a bay cu 100 florin momento cu ya nan a cera. E hombernan arma a bandona e sitio na pia direccion Sero Patrishi.
Polis ta pidi esunnan cu por a mira algo of tin mas informacion, pa tuma contacto cu e tiplijn 11141. Tur esunnan cu yama ta keda anonimo. Pa mas informacion lesa TREMPAN mañan mainta trempan.
