Despues di dos atraco dialuna anochi, polis no a para keto y a keda busca pa e tres atracadonan riba caya. Well Done snack y Ruiz Take away a bira victima di atraco. Entre e dos trucknan, a logra bay cu no menos di 275 florin. A bay cu 200 florin na Well Done na Tanki Flip y 75 florin na Ruiz Take away Tanki Leendert.
Un rato despues polis a para Nissan March den Caya Tumba. Ta e cayanan cerca di Pos Abou, unda a detene dos persona. E dos hobennan aki ta cuadra cu descripcion duna relaciona cu e atraconan.
Pa siguridad, a opta pa detene ambos. Ta pendiente mas informacion di e caso aki, pa wak si a haya e arma y of e mascara uza den e atraco.
