Docentenan di Colegio San Nicolas pa 2’or di merdia a sali pafo pa informa cu ainda no ta duna les pa motibo cu no a haya ningun reaccion for di minister di enseñansa pa rectifica su declaracion.
A pidi e mandatario, via di Management Team, pa hala su declaracion atras, pasobra esaki ta ofensivo pa e docentenan, y a pidi pa un reunion 3’or. No a haya ningun reaccion te cu 2’or di merdia y tampoco confirmacion cu lo tin un representante di e ministerio presente den e reunion cu Inspectie Onderwijs, cu ta e unico cu a acepta pa topa cu e docentenan.
E docentenan si a expresa di ta haya completamente for di sla cu e mandatario ta papia di un rapport y entrega esaki na prensa, sin cu esnan concerni, e cuerpo di docente di Colegio San Nicolas, a wordo envolvi of a haya copia di esaki.
Nan ta en espera di e resultado di e reunion cu Inspectie Onderwijs pa duna mas reaccion.