Bon dia un feliz dia , si nos ta yama e pueblo aki den oracion , no ta algo haci riba nos mes sino un mandato di Dios. Den 2 Cor 7:14 e ta bisa esey y den Juan 17 vers 20 e ta bisa lo siguiente; Mi no ta pidi pa esakinan so, ma tambe pa esunnan cu ta kere den Mi palabra , pa nan tur por ta un, mescos cu Abo,O Tata, ta den Mi y Ami den Bo, pa nan tambe por ta den Nos: pa mundo kere cu ta Abo a manda Mi. Y pa e motibo aki nos kier haci un yamada riba nos pueblo pa uni den Oracion Diabierna Santo 2-4-2021 na bo HIT94FM for di 6am-3pm, pa asina trece e peticion di oracion, e necesidad di e pueblo, e sanacion
cu e pueblo mester y e liberacion di e pueblo dilanti di Dios.
Tur hende cu kier duna un aporte (donacion of Ofrenda) cu un curason alegre pa yuda cubri gasto di transmision por manda un mensahe na Whatsapp 7403237. Y tambe haci bo peticion di oracion na e-mail : [email protected] .
Diabierna mainta tempran nos lo t’ey na Hit 94FM pa asina guia e pueblo den caminda di Dios y oracion, pasobra awor mas cu nunca e pueblo mester di guia, ya cu hopi a perde speransa y bira desespera, pero nos tin un Dios cu a Todopoderoso, cu nunca ta cambia, y cu semper t’ey pa nos tur. No ta cu forsa , ni cu poder, pero pa medio di Su Espirito, nos t’ey pa guia e pueblo den e unico caminda di berdad y bida den e caminda permanente, den e caminda, di sanacion di alma y curpa, e caminda di pordon, e caminda cu ta pone tur cos bieu un banda y ta haci tur cos nobo, pasobra solamente den e caminda di Dios tin e Felicidad berdadero, y puro.
David a bisa cu Hamas e a mira un Husto desampara, ni tampoco su famia ta mendiga pan. Ta nos deber pa uni, den Cristo Hesus, ta nos deber pa sclama na e nomber di Dios, pasobra Jeremias 33 vers 3 ta bisa nos pa haci esey y Jeremias 35 : 27 ta bisa: Mira ami ta Dios riba tur carni acaso tin algo imposibel pa mi. Pa Dios nada ta imposibel, pasobra si nos wak rond di nos Cristo Hesus ta unico opcion pa nos bida, no tin otro caminda pa paz y trankilidad.
Tin hopi hende ta busca paz den droga alcohol, paranda, tur e cos aki ta temporal , solamente Dios ta eterno.
Salmo 133 ta splica nos cu ora e pueblo uni Dios ta comanda su bendicion, p’esey nos ta sinti cu ta na su luga pa yama e pueblo aki den oracion, pasobra nos tin hopi situacion nos dilanti cu tur dia nos ta puntra nos mes ta con nos ta haci.
Pero ora nos uni den oracion Dios lo manda su bendicion, y portanan lo habri, nos pais Aruba mester di entrada, trabao pa tur tata y mama di Famia, bon scol pa nos muchanan, nos crisis social ta grandi, no tin control riba adiccion, no tin hende cu ta saca man pa yuda den e direccion ey.
Tin un gran parti di nos Hubentud ta pensa cu droga ta bon, y ta haci tur locual ta posibel pa sigui uza droga, y den esaki ta tanto mucha homber/mucha ta participa. p’esey nos ta haci e yamada riba nos pueblo pa uni den oracion,Nos ta no ta pretende di ta sabi, pero si locual nos kier haci ta di no sigui permiti e malvado sigui trece mas violencia domestico, mas abuso di mucha,mas divorcio, mas uzo di droga, y mas maldad en general, pero nos kier conscientisa pueblo pa nos uni den oracion pasobra union ta haci forsa. Y uni nos ta duna Gloria na Dios.
Sinceramente
Pastoor Marcel Balootje.
