Diahuebs pa mas o menos 9:30pm atracadonan a drenta un cas na Savaneta y a atraca e habitante, kende ta doño di CITGO San Nicolas, situa net banda di Warda di Polis na San Nicolas. Ambos atracado ta den man di husticia caba, mientras ta buscando pa mas. Mester bisa cu tur dos sospechoso tin mas o menos 3 siman liber, despues di tabata cera pa otro caso di atraco.
Na e sitio Polis a haya informacion cu atracadonan a yega den un auto marca Nissan modelo March color biña, a baha atraca e homber, a los tiro cu un arma di candela den halto, ranca tas di placa for di e comerciante y baha na awa direccion Pos Chikito. E comerciante obviamente a keda bastante spanta.
Un rato despues Polis a haya informacion cu e mesun auto aki uza den e atraco lo ta procedente di joyriding. E ladronnan a ranca un cura di cas y poco mas leu a para e auto na un cas y sali na careda.
A cuminsa un buskeda den e area y a bin topa un di e atracadonan, pa cual motibo a detene. Un rato despues a gara un otro mas. Por spera mas detencion pasobra tabatin mas di un atracado na e sitio di atraco.
