Algo pasa di 3:00am a sosode un accidente basta serio riba rotonde Las Americas dilanti Cas di Cultura. Chauffeur di un auto marca KIA modelo Rio, color cora, cu number A-11691 coriendo riba L.G. Smith Boulevard no a ripara cu tin rotonde su dilanti, a dal cu e auto masha duro frontal den e rotonde.
E prome unidad di Polis cu a yega na e sitio a pidi presencia di Ambulance cu urgencia. No por a haci nada pa scapa bida di e chauffeur hoben. Pa 03.52am Dokter Texier a constata morto di José Ramón Espinal Ventura, naci na Aruba di 18 juni 1999, pues tabatin solamente 19 aña di edad. Paz na su restonan.
