Diabierna anochi a sosode un caso di agresion den e zona hotelero. Entre nan esunnan envolvi lo ta e rumannan Williams, cu den pasado ya a bay cera pa mesun tipo di acto. E biaha aki ta e personahenan a cambia. Dennis Ecury ta un tata preocupa, el a acerca 24ora.com pa aclarea cu locual a publica di dje caminda e tabata bebi, no ta berdad. Berdad, el a presenta na e sitio di incidente y tabata altera, pero e ta nenga cu e tabata bebi.
T’asina cu un luna pasa tabata den Gusto Nightclub caminda un di e rumannan Williams tabata envolvi den un problema caminda su yiu tabata presente. E tata a conta cu un amigo di su yiu a saca boter y corta Williams. Ecury ta desaproba e actuacion di e amigo di su yiu homber. Cos no a caba eynan. Ecury a conta cu nan a menasa su persona cu nan lo mat’e y hinc’e den saco di plastic. Ecury a purba di papia cu e tata di e hoben y di Williams pa drecha e asunto manera hende grandi.
Diabierna anochi e otro ruman Williams a topa cu su yiu den mesun zona, e biaha aki cerca di Kalibra. A medio papia cu ne pa djey dal su yiu cu boter y kap e na wowo. Ecury su mes a presenta pa mira su yiu. E ta boga pa termina e problema aki den bon manera. E yiu tin apenas binti aña y no ta un hoben cu ta cana busca problema riba e caya. Ta parce cu e rumannan Williams ta bruha den problema. Ecury a tende cu nan ta sospecha cu su yiu lo tabata envolvi den e pelea caminda yiu di prome minister tabata envolvi, pero esey no ta e caso.
