Diasabra atardi alrededor di 6:00 pm polis a topa cu un homber burachi drumi canto di caminda Tanki Leendert. A topa cu ne net patras di Torino Bar. Ora a purba papia cu ne, e tabata ‘way out’ y no tabata reacciona. Por poco a kere cu e ta for di tino pero a resulta cu ta bebi e ta.
Pa su propio siguridad, polis a opta pa dun’e un lift gratis pa cas. Den un transporte policial a hib’e cas hunto cu su bais. No ta prome biaha cu polis ta atende cu e homber aki. E ta conoci caba pa e polisnan di districto di Playa.
