Durante conferencia di prensa cu e sindicatonan a sali na cla e informacion cu Prome Minister Evelyn Wever Croes no ta na Aruba.
Edward Maduro, Presidente di SADA a duna di conoce cu muy probablemente lo regresa pa diadomingo pero cu esey no ta sigur y no lo haci ningun diferencia. Lo entrega un manifiesto, e mes un carta cu esun anterior lo entrega na Prome Minister pasobra e punto di salida no a cambia, esey ta si acaso e ta presente e dia aki.
Miembronan no a cambia di ‘standpunt’, sindicatonan ta vocifera e mandato di e miembronan y esaki ta keto bay riba e mesun liña. Miembronan no kier tende mas di recorte di 12.6 y te na e momento aki esey ta e punto riba mesa.
A haci pregunta si sindicatonan ta kere riba e continuidad di un gobernacion, Maduro a remarca cu esaki ta un bon pregunta pa Prome Minister. E ta lamenta si cu no a haya reaccion di parlamento riba e manifiesto anterior mirando cu parlamento ta hefe di gobierno y cu esey por mira e direccion cu e pais ta bayendo y e supuesto respet cu nan tin pa sindicato riba nos isla, ta locual cu Maduro a finalisa bisando.
