Durante fin di siman di dianan festivo tabata tin un buskeda andando pa un chauffeur di un Celta cora envolvi den basta acto serio contra ley.
E persona aki busca pa husticia cu a comete varios acto serio, entre otro agresion contra personal di siguridad na un hotel como tambe bandona sitio despues di ocasiona un accidente. Den oranan di awe mainta (10:15 am) polisnan di noord hunto cu unidad di K9 a reconoce e Celta, cu pa algun dia caba nan ta buscando. E persona aki tabata e momento ey na e area cocnoci di Tres Trapi, na Arashi Noord. Mesora a baha y atende cu ne y pasa pa detention.
E Celta en cuestion tabata envolvi na prome instante den un caso di agresion na un casino den area di hotelnan Low Rise, caminda a causa basta problema y destruccion. A agredi e personal di seguridad, a tira obheto cu tabata tin den e casino den su direccion y bandona sitio. E victima mester a bay Hospital pa atencion medico. Impresion cu a ricibi, cu e persona aki lo tabata bou di influencia di un orf otro substancia y cu e tabata sumamente agresivo.
A cuminsa un buskeda pa e Celta cora aki, registra na un cas na Palm Beach pero no a logra localis’e. Pero su aventura no a caba. Den e mes un siman liber, den oranan di anochi ta surgi otro sucedido cu e mes un chauffeur di e Celta en cuenstion na un stacion di gasolin na playa. Un caso di hit and run a tuma luga y mientras a bay atende cu ne, e chauffeur bou influencia aki a reverse e vehiculo y press e manehado di e otro auto envolucra entre e vehiculonan. Momento cu polis a presenta, a cuminsa un buskeda atrobe pa e mes un Celta cora den area pero no a logra atrobe.
A sconde pero no por sconde pa semper. Na haltura di Tres Trapi a topa cu e Celta aki. Varios unidad di polis a yega hunto y asina detene e sospechoso na sitio. Sigur tin suficiente motibo y mirando cu ta concider’e un persona agresivo cu a causa basta daño den e fin di siman liber tras di lomba, no a basila pa deten’e. A transporte pa warda di polis pa asina e duna cuenta di su actonan.
