Tin un disgusto grandi na Departamento di Bombero. Bomberonan tin un tarea importante pa siguridad di comunidad. Si no tin ekipo, no por sirbi comunidad. Esey ta trece un disgusto pa nan y sigur un problema pa comunidad.
Davni Roza, presidente di sindicato SINBA ta splica cu diaranson tabatin un reunion cu gobierno den oranan di atardi. Durante e reunion, e minister encarga cu husticia, Andin Bikker a cuminsa bisa cu e Management Team lo sigui pa seis luna mas, pero na final un persona cu no ta ambtenaar lo tuma luga di e cabes actual, Andrew Hoo.
Mirando cu no por a yega na un consenso tur hende a lanta fo’i mesa y bay. Ta mustra cu nan kier bay den un accion, mirando e situacion cu Brandweer ta aden. Nan ta den un situacion hopi fastioso.
Tin varios cos mester ta drecha na Brandweer, no solamente material, pero tambe e promocionnan cu ta wanta.
Tur hende ta cla pa cualkier decision cu e sindicato tuma. Roza a splica cu tur ta harta y cansa di e situacion. Prioridad na Brandweer ta robes. Tur loke ta pasando den e departamento, ta pone e minister na altura, y nan no por mas. Den material, nan ta total loss.
Un cos ta bisto, directiva di SINBA no kier sinta mas cu minister di husticia y por spera un accion di un ora pa otro si no bin cambio.
SIMBA: Si no bin cambio den brandweer por spera accion
Tin un disgusto grandi na Departamento di Bombero. Bomberonan tin un tarea importante pa siguridad di comunidad. Si no tin ekipo, no por sirbi comunidad. Esey ta trece un disgusto pa nan y sigur un problema pa comunidad.
Davni Roza, presidente di sindicato SINBA ta splica cu diaranson tabatin un reunion cu gobierno den oranan di atardi. Durante e reunion, e minister encarga cu husticia, Andin Bikker a cuminsa bisa cu e Management Team lo sigui pa seis luna mas, pero na final un persona cu no ta ambtenaar lo tuma luga di e cabes actual, Andrew Hoo.
Mirando cu no por a yega na un consenso tur hende a lanta fo’i mesa y bay. Ta mustra cu nan kier bay den un accion, mirando e situacion cu Brandweer ta aden. Nan ta den un situacion hopi fastioso.
Tin varios cos mester ta drecha na Brandweer, no solamente material, pero tambe e promocionnan cu ta wanta.
Tur hende ta cla pa cualkier decision cu e sindicato tuma. Roza a splica cu tur ta harta y cansa di e situacion. Prioridad na Brandweer ta robes. Tur loke ta pasando den e departamento, ta pone e minister na altura, y nan no por mas. Den material, nan ta total loss.
Un cos ta bisto, directiva di SINBA no kier sinta mas cu minister di husticia y por spera un accion di un ora pa otro si no bin cambio.
